Martın 3-də Koreya Respublikasının İnçeon şəhərində BMT-nin İqtisadi və Sosial Şurasının (ECOSOC) təşkilatçılığı ilə Yüksək Səviyyəli Forumun təşkilinə dair konfrans keçirilib.
44 ölkə və BMT-nin müxtəlif qurumlarının iştirakı ilə keçirilən Konfransda çıxış edən BMT-nin İqtisadi və Sosial Şurasının prezidenti Fridrix Musiva Makamura Shava "Dünyamızın transformasiyası: 2030-cu ilədək Dayanıqlı İnkişaf Gündəliyi"ndən irəli gələn inkişaf məqsədlərinə nail olunması üçün iştirakçı ölkələr tərəfindən görülən işlər, qarşıda duran vəzifələr barədə tədbir iştirakçılarına məlumat verib, Yüksək Səviyyəli Forum üçün hesabatların hazırlanması istiqamətində görülən işləri diqqətə çatdırıb.
Konfransın Danimarka, Banqladeş, Honduras, Efiopiya və Costa-Rica olmaqla 5 ölkənin hesabatlarının təqdim edildiyi birinci sessiyasına Azərbaycanın Dayanıqlı İnkişaf üzrə Milli Əlaqələndirmə Şurasının Katibliyinin rəhbəri Hüseyn Hüseynov sədrlik edib.
Sessiyada dayanıqlı inkişaf məqsədlərinə nail olunmasının vacibliyi və qarşıya çıxan problemlər, o cümlədən məlumatların toplanması və göstəricilərin hesablanması barədə müzakirələr aparılıb. Dayanıqlı İnkişaf Məqsədlərinə nail olunması istiqamətində Azərbaycanda görülən işlər, qarşıda duran vəzifələr barədə məlumat verilib.
Konfrans qrup müzakirələri ilə işini başa çatdırıb.
BMT və Azərbaycan arasında Çərçivə Sənədinin icrası üzrə İstiqamətləndirici Ko ...
15-16 Noyabr, 2023 tarixlərində Dayanıqlı inkişaf üzrə 2-ci Bakı Forumu keçiri ...
“2030-cu ilə doğru: Azərbaycanda sosial-iqtisadi inklüzivlik” mövzusunda ikinc ...
